Gikan sa kasamtangang 5 percent nga diskwento subay sa Expanded Senior Citizens Act, gitas-an na kini sa 10 percent.
Mamahimong applicable ang nahisgutang diskwento sa unang 150 kilowatthour (kwh) nga konsumo sa kuryente samtang sa unang 50 cubic meters usab alang sa konsumo sa tubig
Sa kasamtangan, ang mga seniors nga mikonsumo ug 100 kwh sa kuryente ug 30 cubic meters sa tubig lamang ang eligible sa discount busa kung mosobra sa konsumo, di na kini makakuha pa sa discount.
Kalakip sa sugyot nga di na paninglan ug value added tax ang electricity bills ug water bills nga nakapangalan sa mga senior citizens.
Una nang gibutyag ni Senior Citizen Party-list Representative Rodolfo Ordanes nga makatabang ang maong sugyot sa mga senior citizens ilabina karon nga dunay pandemya nga daghang galastuhan sama sa ilang panglawas.
Facebook Conversations