Sikop ang mag-live-in partner ug lain pang tulo ka indibidwal sa buy-bust operation sa Philippine Drug Enforcement Agency (PDEA) sa Purok 3H, Barangay Apokon, Tagum City, Davao del Norte, alas 4 sa kadlawon Pebrero 28.
Giila ang mga dinakpan kinsa mao ang subject sa operasyon nga sila Alexander Batugan II, 49, driver, ug ang live-in partner niini nga si Nora Loja, 51 anyos.
Samtang gawas sa duha, nadakpan usab ang mga bisita sa giingong drug den nga sila Calvin Cajes, Saje Cinco, ug Eaguiboy Quilat.
Ang tulo nasakpan nga nag-shabu session sulod sa drug den.
Nakuha atol sa operasyon ang gibana-banaang dose gramos nga kantidad sa shabu nga mukantidad sa P190,000.
Gawas sa droga, nakuha usab sa mga awtoridad ang pipila ka emplty plastic sachets nga dunay suspected shabu residue, assorted drug paraphernalia, ug buy-bust marked money.
Kasong paglapas sa Republic Act 9165 or Comprehensive Dangerous Drugs Act of 2002 ang mga dinakpan.
Hulagway:PDEA 11
Facebook Conversations