Gidayeg sa hepe sa armadong kusog sa Pilipinas General Andres Centino ang Eastern Mindanao Command (EastMinCom) sa ilang kalampusan batok New People’s Army (NPA) sa Eastern Mindanao.
Ang pagtimbaya ni Centino sa mga tropa sa EastMinCom gihimo atol sa iyang pagduaw sa 1003rd Infantry Brigade sa Bunawan District dinhi sa syudad sa Davao ug 403rd Infantry Brigade sa Malaybalay City, Bukidnon.
Kalakip sa kalampusan sa EastMincom mao ang pagkabungkag sa
Sub-Regional Committee 5 sa NPA ug ang pagkamatay sa mga lideres sa NPA nga sila Jorge Madlos ug Menardo Villanueva.
Subay niini, gihatagan ug medalya ni Centino ang mga sundalo nga nahimong kabahin sa operasyon batok NPA.
Gipasidan-an niini ang mga sundalo nga magpabiling disiplinado samtang gituman ang mandato nga tuldukan na ang communist insurgency ug paniguruhon ang seguridad sa eleksyon sa umaabot nga Mayo.
Hulagway: 10th Infantry Division
Facebook Conversations