Kini ang nahimong reaksyon sa kalihim sa DOH Francisco Duque sa survey sa Social Weather Station nga 51% ang nagtuo nga matapos na ang COVID -19 crisis karong tuiga.
Sumala pa ni Duque, si kinsa ba ang dili gusto nga matuldukan na ang pandemya ug mubalik na sa normal ang kinabuhi sa matag Filipino, ingon man subling mubaskog ang ekonomiya sa nasod.
Taliwala niini, gipahayag ni Duque nga wa kuno siyay bolang kristal aron iyang masulti nga wala nay muabot nga mga bag-ong variant sa sakit.
Nasayod kuno ang publiko nga notorious ang nahisgutang virus tungod sa katakus niini nga mag-mutate.
Dugang sa opisyal nga nakig-alayon ang DOH sa World Health Organization, International Health Regulation ug sa Global Sharing sa data.
Kini aron masayran kung duna bay muabutay nga variant of concern ug mga kinahanglanong buhaton nga mga bag-ong sistema, mekanismo, ug patakaran nga nahimong malampuson batok sa mga nakalabayng pagsirit sa Alpha,Delta, ug Omicron.
Hulagway: Francisco Duque lll FB Page
Facebook Conversations