Bernardo D. Carpio NHS, Sindac Anib sa Bislig, Surigao del Sur, kampeon sa Indak-Indak sa Kadayawan

Ruth Palo

Editor

posted on 3 years ago — updated on 1 second ago

1,520
views

Napanalipdan sa Sindac Anib Performing Ensemble sa Bislig Surigao Del Sur ang ilang titulo isip kampeon sa Indak-Indak sa 2019 human gipukan niini ang lain pang upat ka mga contigent sa open category.

Usa ka milyon ka pesos ang nakuha sa Sindac Anib isip grand winner sa Indak-Indak open category. Ila usab nasakmit ang special award nga Best in Music ug Best Choreographer nga nagtangag sa premyong P50,000.

Gilampaso niini ang mga performers nga nagikan sa Island Garden City of Samal, Davao Occidental, Kidapawan, ug Pikit North Cotabato.

Hinoon wala niuli nga luhaan ang upat ka contigents sanglit bitbit gihapon niini ang dakong kantidad sa premyo. Ang CFCST Palabuniyan Cultural Dance Company sa Pikit North Cotabato ang nidaug isip 2nd Place nga may premyong P500,000.

Third place ang Youth Olmag Performing Arts Guild sa Kidapawan City nga nakaangkon sa P400,000. Nidaug usa kini sa Best Mask nga P20,000.

Ang 4th place nasakmit Samal Island City College sa Island Garden City of Samal nga may premyong P300,000.

Samtang 5th place ang Sidlakan Performing Ensemble sa Malita Davao Occidental nga nakatangag sa premyong P200,000. Nakuha usab niini ang RCBC Diskartech Award.

Samtang nahimong kampeon sa Indak-Indak-Davao-School based category ang Bernardo D. Carpio National High School - Performing Ensemble.

Gawas sa P1 million nga premyo niini isip kampeon, nakuha sab ang special awards sama sa Best Music, Best Choreographer, Best Mask, ug RCBC Diskartech Special Award.

Nahimong 2ND place ang Sta.Ana National High School - Performing Arts Guild nga misakmit sa P500,000.

3rd place ang Doña Carmen Denia National High School (P400,000).

4th place ang TESDA Region 11 (P300,000). Samtang 5th place ang Mabini National High School - Apo Duwaling Dance Company (P200,000).

Nagpasalamat si Davao City Mayor Sebastian Duterte sa mga partisipante sa Indak-Indak dungan ang pagpasalamat sa kapulisan, kasundaluhan ug uban pang milangkob sa security cluster sa kahusay ug kalinaw atol sa aktibidad.