Ang apila gihimo sa tigpamaba sa AFP Colonel Ramon Zagala nunot sa nanggawas nga mga fake news labot sa sumala pa dili patas nga pagtratar sa militar sa mga kandidato sa eleksyo ug ilang mga supporters.
Gitumbok ni Zagala ang isyu labot sa sumala pa wala kuno pagtugot sa militar nga makasulod sa Camp Aguinaldo si Presidential Candidate Vice President Leni Robredo di pa dugay.
Duna usay mikatag nga balita labot sa usa sa supporter kuno ni Robredo nga gipahawa sa usa ka parking area sa San Fernando Airbase.
Gawas niini, duna poy migula nga balita sa social media nga daw suportado sa militar si Robredo.
Gipamugos ni Zagala nga ang tibuok han-ay sa AFP nagpabiling non-partisan ug matinud-anon sa ilang mandatong protektahan ang katawhan ug ang estado.
Dugang sa opisyal, istriktong gipahinumduman sa liderato sa militar ang ilang mga ginsakupan nga dili makisawsaw ug mag-apil-apil sa unsa mang partisan political activity sa wala pa, sa mismong eleksyon, ug paghuman sa bugnong lugaynon.
Facebook Conversations