Patay ang duha ka menor de edad nga bata human alegasyong gipatay sa kaugalingong amahan sulod mismo sa ilang pinuy-anan sa Purok 10-B, Washington St., Barangay 39-D ning syudad sa Davao, 12:30 sayo sa kabuntagon adlawng Dominggo.
Giila sa Davao City Police Office (DCPO) ang suspek nga amahan nga si Pajarito Dalangin Aragon, 57-anyos, sidecar driver, samtang ang mga biktima mao ang anak niining sila Jessa May , nuebe anyos, ug John Victor, otso anyos ang panuigon.
Subay sa pasiunang tahu sa San Pedro Police Station, gipatay sa amahan ang duha ka anak pinaagi sa pagtuok gamit ang kamot. Human nga napatay ang duha ka mga bata, nagpakamatay gilayon kini pinaagi sa pagdunggab sa iyang kaugalingon.
Nasayran nga gibulagan matod pa sa asawa ang suspek ug posibleng kini matod pa ang rason sa insidente.
Facebook Conversations