Miampo sa kasundaluhan ang walo ka sakop sa Abu Sayyaf Group sa Talipao, Sulu.
Giila ni Joint Task Force Sulu commander Major General Ignatius Patrimonio ang mga misurender nga nailhan sa ilang mga alyas nga sila alyas Tuang, Isbain, Asuwad, Siddik, Wahab, Tubah, Jul, ug alyas Paddih.
Apil nga gisurender sa walo ang ilang mga armas sama sa unom ka M1 Garand rifles ug M16 rifle.
Mipailawom na ang mga kanhiay miyembro sa Abu Sayyaf sa custodial debriefing sa headquarters sa 1101st Infantry Brigade.
Sa initial debriefing, gibutyag ni alyas Tubah ug alyas Paddih nga mitahan sila gumikan sa gutom ug kakapoy nga ilang natagamtaman ug buot na sila magbag-o sa ilang kinabuhi.
Muabot na sa sumatotal nga 46 Abu Sayyaf ang misurender sa unang bahin sa 2022.
Hulagway: WestMinCom
Facebook Conversations