70% sitting capacity sa mga PUVs, monitoron sa LTFRB, CTTMO

Sa virtual press conference, Huwebes sa hapon (Disyembre 9), gibutyag ni LTFRB 11 director Nonito Llanos nga unta sundon sa mga pasahero ug drivers ang gipakanaug nga memorandum circular gikan sa LTFRB central office para proteksyon sa kaugalingon, komunidad, ug pamilya.

Sumala pa sa opisyal magpadayon ang ilang monitoring sa kadalanan labot sa bag-ong direktiba sa LTFRB.

“Sa pagkakaron wala gyud ta moundang sa presence sa kadalanan even if we have limited humber of enforcers but we continue to monitor our roads,” matod pa ni Llanos.

Nanganti ang opisyal nga kung dunay madakpang mosupak niini, makabayad ug multa nga P5,000.

“Kung naay mga violators ani, we will penalized the driver. Unfortunately, ang penalty is quite dako 5,000 pesos.”

Subay sa datos sa buhatan, duna nay 22 ka mga nadakpang drivers sa miaging bulan sa Nobyembre tungod sa paglapas sa point three meters sitting capacity.

“So karon, we are now educating out drivers with the new memoramdum circular nga masabtan nila ang bag-ong panutanan gikan sa LTFRB,” dugang pahayag ni Llanos.

Samtang, gikanayon sa hepe sa City Transport and Traffic Management Office (CTTMO) Dionesio Abude  ilang tumanon ang direktiba sa LTFRB.

“Ang atong opisina magpadayon gyud sa pag-monitor. I-monitor gyud nato ang na-approve nga 70 percent capacity. Instruction nato sa atong mga tao nga makita gyud sa mga drivers nga naga-implementar gyud ta,” matod pa ni Abude sa pakighinabi sa News Fort.

Aminado hinoon kini nga gusto mukita ang mga drivers bisag kabalo na nga kini puno na, mupasakay pa gihapon, gawas pa sa ubang pasahero nga gadali nga bisag puno na, modutdut gihapon.

“So as tigpatuman sa balaod, hugtan nato ang atong monitoring. Ug ang makalolooy is ang mga drivers nga ma-isyuhan ug citation tickets,” ingon ni Abude.

Samtang giklaro niini nga magpabilin gihapon sa nueve pesos ang minimum fare sa rehiyon onse.

“As of now wala pay mandato nga ibalik kini sa 8 pesos tungod siguro wala pa mag one-hundred percent sa atong sitting capacity. I think LTFRb central office will go back to the drawing board pag mag one- hundred percent nata.”

“There a lot of things to be considered, first and foremost ang atong fuel price , ika-duha posibleng moubos kung mag one hundred nata ug paubos na pod ang fuel prices. Definitely pag naa nay one hundred perxent dili ko motuo nga dili nila balikan sa pagtan-aw sa central office,” dugang katin-awan ni Llanos,” dugang pagpasabot sa opisyal.