Giila sa Philippine Drug Enforcement Agency (PDEA) 11 ang dinakpan nga si Victor Pormento nga dunay alyas nga Vic/Tata, ug residente sa Westbend Street, San Antonio Village, Matina ning syudad sa Davao.
Nadakpan sa PDEA ug National Bureau of Investigation (NBI) si Pormento sa gilusad nga buy-bust operatio adlawng Huwebes (Pebrero 24) sa mismong pinuy-anan niini, alas dos kuwarenta sa hapon.
Nakuha gikan sa mga awtoridad ang 20 gramos nga gituhuang shabu nga gibana-banaang mukantidad sa P295,000, assorted drug paraphernalia, ug buy-bust money.
Subay sa rekord sa PDEA, unang nadakpan si Pormento niadtong Marso 2004 tungod sa pagpayuhot ug droga, apan gibuhian huma naka-bail.
Apan subli kini nga nadakpan niadtong Disyembre 2014 apan mi-avail kini sa plea bargaining agreement hinungdan nga nabuhian kini tuig 2019 human sa lima ka tuig nga pagkapriso.
Tingkagol pagbalik sa prisuhan si Pormento samtang gihikay na ang kasong atubangon niini.
Hulagway:PDEA
Facebook Conversations