Tiklo ang lima ka suspek kalakip na ang duha ka Nigerian national nga nalambigit sa phishing ug mobile wallet scam sa mga sakop sa National Bureau of Investigation (NBI).
Subay sa report sa NBI, target sa mga suspek nga biktimahon ang may GCash account kon diin usa ang online seller nga si Jason Cruz ang na-scam ug nawad-an ug P6,500 pinaagi sa KKB o kanya-kaniyang bayad.
Nagpasidaan ang NBI sa publiko nga daghang taktika karon ang mga scammers aron makapangilad ug makapangayo ug salapi.
Tambag sa NBI, dapat mahimong alerto ug likayan ang paghatag ngadto sa ubang tao sa pin ug one-time password sa account.
Raket matod sa grupo ang muhimo ug bogus nga web page aron makuha ang personal data sa mga biktima.
Pahimangno sa NBI ug GCash, dili gilayon i-click ang unsa mang link nga nadawat aron di mabiktima sa scammer.
Facebook Conversations