5 sakop sa private armed group, patay sa engkwentro sa Maguindanao

Sumala pa kang Western Mindanao Command Commander (WestMinCom) Lieutenant General Alfredo Rosario, Jr., nagbutang ug checkpoint ang mga tropa sa 40th Infantry Battalion human natigayon ang robbery hold-up incident sa usa ka convenience store sa Barangay Kauran sa nahisgutang munisipyo. 

Samtang nagpahigayon ug checkpoint Operations sa Kauran Patrol Base, naka-enkwentro sa kasundaluhan ang mga armadong suspek nga sakay sa usa ka minivan. 

Human sa singko minutos nga sinukliay ug buto, narekober ss mga tropa sa nahitabuan ang patayng lawas sa lima ka suspek.

Narekober usab sa area ang duha ka .45caliber pistol.

Gipasalig ni Rosario nga walay puas ang ilang kampanya kontra sa PAGs ug lawless elements aron masiguro ang kalinaw ug seguridad sa Mindanao.