Sumala pa sa tigpamaba sa kapulisan sa rehiyon Major Eudisan Gultiano atol sa AFP-PNP press corps briefing, Miyerkoles sa buntag (Enero 26) nga ang mga lugar nga gipailawom sa EWAs mao ang Monkayo ug Pantukan sa Davao de Oro, Digos City, Kiblawan, Matanao,ug Magsaysay sa Davao del Sur.
Matod pa ni Gultiano nga usa sa rason nganong mapailawom sa watchlist ang usa ka lugar tungod kini sa miaging election-related violence ug presensya sa nagkadaiyang armadong grupo nga posibleng magsinamok panahon sa eleksyon.
"These include potential threats sa election candidates, intense political rivalries among parties and candidates, presence or employment of partisan armed groups, and criminal gangs, proliferation of loose firearms, activities and capabilities of CTG (communist terror groups)and LTG (local terror groups), and other threat groups in the area, and mga ibang factors kasama na ang surge of COVID-19 cases," pagsaysay ni Gultiano.
Dugang sa opisyal sa kaso sa Monkayo, dunay mga kasamok nga nahitabo kaniadto tungod sa political rivalries sa mga kandidato, samtang ang Matanao, Kiblawan, ug Magsaysay nabutang sa EWAs sanglit anaa sila nahimutang sa hilit nga lugar nga dunay presensya sa terror groups nga posibleng magbugna ug kahadlok sa electoral process ingon man pagpanghulga.
Lauman sa mga residente sa maong mga dapit ang police visibility ug pagpakusog pa sa deployment sa mga awtoridad, kalakip na ang pag-instular ug checkpoints. Kini aron masiguro ang kahapsay ug kalinaw ilabina panahon sa bugnong lugaynon ingon man malikayan ang unsa mang kagubot nga mahitabo.
Giklaro ni Gultiano nga gilakip sa Commission on Elections (Comelec) isip parameters sa pagdeklara sa EWAs ang pagtaas sa kaso sa COVID-19.
Facebook Conversations