Nakaplagang patay ang usa ka 29 anyos nga babaeng-pulis sulod sa comfort room sa PNP Maritime Group Headquarters sa Camp Crame kagahapon sa hapon.
Giila ang biktima nga si Patrolwoman Ruth Mondaya Cañete, dunay asawa ug lumad nga taga-Davao City.
Subay sa tahu sa Criminal Investigation and Detection (CIDG) Unit sa Quezon City Police District (CIDU-QCPD), bandang 12:30 sa udto, namatikdan matod pa sa mga kaubanan niini nga sila Police Corporals Arnold Alos ug Janice Morales nga kapin 30 minutos na nga naka-lock ang ladies comfort room, busa gisilip niini ang exhaust aron makita kung duna bay anaa sa sulod.
Nakita sa duha ang biktima nga nagbitay sa shower gamit ang nylon rope.
Gisapopo pa sa PNP General Hospital si Cañete apan gideklara kini nga patay sa attending physician.
Nagpadayon ang imbestigasyon sa giingong pagpakamatay sa nahisgutang pulis.
Facebook Conversations