Subay sa report ni Captain Ryan Layug, tigpamaba sa 8th Infantry Division, way kukalooy nga gipaulanan ug bala sa mga teroristang komunista ang nagpatrolyang tropa bisag daghang sibilyan sa lugar.
Naigo sa NPA ang dose anyos nga bata nga dead on the spot, ug usa ka trese anyos kinsa namatay sa ospital samtang gitambalan.
Duna usay gikabutyag nga samdan sa maong insidente.
Subay sa istorya sa mga sibilyang survivor, anaa sila sa likod sa mga sundalo ug sa dihang nagsugod ang binuthanay, dali nga nagdinaganay palayo ang mga sibilyan, apan gipunterya sa mga NPA ang nanibat nga mga residente.
Sumala pa kang 8th Infantry Division Commander Major General Edgardo De Leon, nahimutangn sa High ground ang NPA, busa ilang nakita ang mga sibilyan nga nagdinaganay palayo.
Nagtuo ang heneral nga “willful killing” ang gihimo sa mga teroristang NPA nga pagtarget sa mga sibilyan.
Pulos gikondena sa Municipal government sa Catubig ug provincial government sa Northern Samar ang pag-atake sa NPA sa komunidad.
Hulagway: 8th ID
Facebook Conversations