Balhog sa prisuhan ang dise- anyos nga estudyante human makuhai ug ubay-ubay nga pinaugang dahon sa marijuana atol sa buy-bust operation alas-5 pasado sa Lunes sa hapon (Oktubre 10) sa Purok 4, V. Mapa Extension, Brgy. 9-A, Davao City.
Giila sa hepe sa kapulisan sa San Pedro Major Marvin Hugos ang dinakpan nga si JOSEPH ADLAWAN TABALAN, residente sa Purok 5, Galagala, Brgy. San Vicente, Panabo City, Davao del Norte.
Si Tabalan gikonsidera sa kapulisan nga Top 6 Regional Level Target ug giingong high-value target.
Nakuha atol sa operasyon ang kinatibuk-ang tulo ka kilo sa pinaugang dahon sa marijuana nga kantidad sa P340,000, buy-bust money, bag kung asa nakuha ang droga, cellular phone, ug wallet.
Kasong paglapas sa section 5 ug 11 sa Republic Act (RA ) 9165 giandam na sa kapulisan aron ipasaka batok sa dinakpan.
Hulagway gikan sa San Pedro Police
Facebook Conversations