Iniulat ng tagapagsalita ng Philippine Air Force (PAF) Colonel Maynard Mariano, 30 piloto mula sa PAF at USAF ang lalahok sa 12-araw na pagsasanay kung saan sasailalim ito sa iba’t-ibang scenario.
Ang mga scenario na ito ay kinabibilangan ng Air-to-Air Engagement, Base Defense; Air Traffic Navigations and Integration Coordination; Air Battle Management, Air Defense Command and Control Operations; Radar and Radio Operations; at Surface to Air Missile Operation and Deployment Planning.
Ayon kay Mariano, mangyayari ang mga ehersisyo sa Basa Air Base, Floridablanca, Pampanga; Clark Air Base, Mabalacat City, Pampanga; Colonel Ernesto Ravina Air Base, Capas, Tarlac; at Wallace Air Station sa San Fernando La Union.
Dagdag ng opisyal, magandang pagkakataon ang nasabing exercise para masanay ang mga pilotong Pinoy kung sakaling magkaroon ng F-16 fighters ang Pilipinas sa darating na panahon.
Matatandaan na sinabi noon ng kalihim ng Department of National Defense (DND) Delfin Lorenzana na plano ng pamahalaan na bumili ng F16 fighter jets.
Larawan: Philippine Air Force
Facebook Conversations