Mandatory sim card registration, isinusulong sa kamara
Mandatory sim card registration, isinusulong sa kamara
Inihain ni Tingog partylist representative Jude Acidre ang panukalang batas para sa registration ng mga simcards.

Batay sa panukalang batas o ang house bill 14 o Act Requiring the Registration of Subscriber Identity Module Cards, minamandato nito ang sambayanan na irihistro ang  kanilang mga sim cards bago ito iactivate at gamitin.

Nasa  pangalawang pagbasa na sa plenaryo ng mababang kapulungan ang nasabing panukala.

Nakasaad din sa panukala ang pagbibigay ng 180 days ang mga meron nang simcards para iparehistro ang kanilang gamit na numero upang maiwasan na madeactivate ito.

Layunin umano ng hakbang ni Acidre na mapigilan ang pagkalat ng mga cyber crimes.

Ayon sa kanya, napagiiwanan na ang Pilipinas dahi base sa pag-aaral ng GSM association, nasa 157 bansa na ang nagpapatupad ng mandatory sim card registration, kabilang dito ang mga bansang Norway, Uruguay, Japan, Switzerland, Australia, Germany, Italy, France, South Korea, and Brazil.   

Nanawagan ng suporta sa kapwa mambabatas si Acidre na paboran ang nasabing batas na poprotekta sa mga Pilipino laban sa mga   ripoffs, cybercrimes at fake news. 

Maliban kay Acidre, ang House Bill No. 14 ay iniakda din nila   House Speaker Ferdinand Martin G. Romualdez, Tingog Partylist Representatives Yedda Marie Romualdez and Jude Acidre, at   Ilocos Representative Ferdinand Alexander Marcos.

What's your reaction?

Facebook Conversations