Tungod sa hugot nga pagpatuman sa culture of security sa Task Force Davao, dakpan ang 40-anyos nga pasahero sa van human makuhai ug illegal nga droga sa hiniusang checkpoint sa kapulisan ug sundalo sa checkpoint sa Lasang,Bunawan ning syudad sa Davao.
Giila ang dinakpan nga si Dearyl John Liboon Aguilon, 40 anyos, lumulopyo sa Purok 2, Block 5, Lot20 Esmeralda Subdivision, La Filipina, Tagum City, Davao del Norte.
Nasayran nga sakay si Aguilon sa usa ka public utility van biyaheng Tagum paingon dakbayan sa Davao sa dihang nasita sa mga awtoridad.
Nakuha gikan sa suspek ang usa ka pakete sa gikatahapang shabu nga gibana-banaang mutimbang sa 0.61 gramos nga dunay kantidad nga P9,760.
Kasamtangang priso si Aguilon sa kwerpo sa kapulisan sa Bunawan alang sa atubangong kaso.
Hulagway: Task Force Davao
Facebook Conversations