Nailhan ang biktima nga si Federico Cañete, ulitawo, residente sa Hagonoy, Digos City, Davao del Sur.
Sa imbestigasyon sa Los Amigos Police Station, nasayran gikan sa anak nga employer sa biktima nga si Jervy Sato Nervida, 20-anyos, estudyante, nga siya ug si Federico nag-inom ug sila nangahubog.
Taud-taud nangihi si Jervy bilin ang armas niini apan gikuha sa biktima ug giingong nakablit ang gatilyo
samtang ka-istorya ang iyang uyab. Igo sa bala ang likod nga bahin sa selpon nga nipaingon ngadto sa iyang ilong ug nilahos sa likod nga bahin sa ulo hinungdan sa iyang kamatayon.
Nakita na lang sa mga nirespondeng personahe sa Barangay Disaster Risk Reduction and Management Center ang biktima nga nahagba ug nabulit sa dugo ang lawas.
Narekober sa lugar nga nahitabuan ang SAM/Pistol Trooper 9mm nga dunay kargang magazine ug Cellular phone.
Ang mga silingan nagbutyag nga wala silay nabating ko mosyon sa wala pa ang insidente.
Walay nakasaksi sa maong hitabo ug wa sab CCTV camera sa lugar.
Muhimog ballistic examination ang kapulisan sa armas ug ipailawom sab sa paraffin test ang mag-amahang Nervida.
Samtang sa gipalawmang imbestigasyon sa kapulisan, nasuta ang 20-anyos nga si Jervy mao diay ang nagpusil sa iyang kainom nga si Federico 35-anyos, laborer nga nahitabo a 1:20 sa kadlawon, Enero 7, 2026, sa Purok 7, Barangay Biao Guianga, Tugbok District, Davao City.
Ang biktima mao si Federico Canete, molopyo sa Hagonoy, Digos, Davao del Sur. Si Jervy, unang nikumpisal sa kapulisan nga aksidenteng nakablit sa biktima ang baril sa dihang sila nag-inom.
Si Jervy, gitudlo sa duha ka mga testigo nga maoy nagpusil sa biktima samtang sila ga-inom.
Saysay sa duha ka mga testigo, ila kuno nga kainom si Jervy ug ang biktima ayha pa ang insidente.
Sigon sa ilang pahayag, gihulbot matud pa sa suspek ang iyang pusil ug gition sa biktimang si Federico ug kalit nga mibuto ang armas.
Sa dihang ilang nakita nga natumba ug nagkadugo na ang biktima, nag-iyahay sila'g dagan palayo sa lugar gimikan sa kahadlok.
Gitakdang ipailawom sa Paraffin Test, Gunpowder Residue Examination, ug Ballistic Examination si Jervy ug iyang armas.
Kasong paglapas sa Republic Act 10591 (Comprehensive Firearms and Ammunition Regulation Act) ug murder ang atubangon sa suspek.
📷 DCPO
Facebook Conversations