Patay ang 27-anyos nga asawa human gidunggab sa bana samtang kini na tulog sa ilang balay sa Purok 4B, Barangay 23-C, Quezon Boulevard, Davao City alas 8:57 Martes sa buntag, Enero 27, 2026.
Giila ang biktima nga si alyas Rea samtang ang suspek mao si alyas Yusop, 38, usa ka tricycle driver.
Subay sa imbestigasyon, giingong nasakpan sa suspek ang iyang misis nga dunay kulukadidong pinaagi sa Facebook Messenger niini.
Tungod sa kasuko ug tumang selos, gidunggab sa makadaghang higayon sa Mister ang biktima samtang na tulog.
Nakahiagom ug daghang samad sa liog ug uban pang parte sa lawas ang biktima.
Nakahimo ang asawa sa paggawa sa kuwarta apan nahagba kini tungod sa grabeng agas sa dugo gikan sa iyang mga samad.
Lakip nasamdan ang 70-anyos nga inahan sa suspek nga nisulay og pakgang .
Anaa na hinoon kini sa luwas nga kahimtang.
Kasong parricide ang atubangon sa suspek kinsa nadakpan sa kapulisan.
📷 DCPO
Facebook Conversations