2 motorista, patay sa disgrasya
Patay dihadiha dayon ang duha ka mga drayber sa motorsiklo sa mabaglahing lugar sa Davao City human nalatayan ug truck adlawng Sabado, Disyembre 26, 2025.
Basi sa report sa Davao City Police Office, unang insidente natala sa Phil-Japan Friendship Road atubangan Kingdom of Jesus Christ Compound, Catitipan, Buhangin District, Davao City, alas-3 pasado sa kadlawon.
Nailhan ang biktima nga si alyas Lito, 29-anyos, molopyo sa General Santos City.
Sa imbistigasyon sa kapulisan, nasayran nga kalit nabangga ang biktima ngadto sa usa ka 10-wheeler truck samtang paliko kini aron magpatubil sa gasoline station.
Nahibaw-ang paspas ang padagan sa motorsiklo nga way suga.
Saysay sa dryaber sa truck, hinay lamang ang iyahang pagpadagan padulong sa gasolinahan.
Kabsan sab sa kinabuhi ang lain pang drayber sa motorsiklo human kini natumba ug gilayong nalatayan sa usa ka container van pasado ala- 1 sa hapon, Disyembre 26 sa CP Garcia Highway, Lanang, Davao City.
Ang biktima mao si Mohammad Midtimbang Guialil, 26 anyos, trabahante sa Bureau of Customs ug residente sa Tambunan I, Talayan, Maguindanao.
Samtang ang drayber sa Container Van mao si Larry Tagbo Dayanan, 39 anyos, residente sa Purok 3, Mapacuan, Asuncion, Davao del Norte.
Kalit matod pa nga natumba ang rider samtang nakadungan niini ang truck niadtong tungura.
Nalagpot sa tuong bahin paingon sa ligid sa truck ang motorsiklo hangtod nga nalatyan ang ulo sa biktima.
📷DCPO
Facebook Conversations