Patay ang duha ka lalaki human sila giambush ug gipusil sa wala pa mailhing mga suspek samtang nagsakay og motorsiklo sa usa ka hilit nga dalan sa Barangay Marang, Sumisip, Basilan.
Sumala sa kapulisan, mga residente sa maong lugar ang duha ka biktima. Magkaangkas sila sa motorsiklo ug padulong unta sa silingang barangay dihang giatake ug gipusil sila sa mga suspek.
Gidala pa sa ospital ang duha, apan gideklarang dead on arrival tungod sa mga samad nga ilang naangkon gikan sa mga bala sa nagkalain-laing bahin sa ilang lawas.
Naglunsad na ang kapulisan og hot pursuit operation aron mailhan ug madakpan ang mga responsable sa pag-atake. Padayon usab ang imbestigasyon aron mahibal-an ang motibo sa krimen.
📷: PRO-BAR
Facebook Conversations