DAVAO CITY –Nalit-ag ang duha ka mga gidudahang tigpayuhot og ginadiling droga sa gipahigayong operasyon sa mga operatiba sa Baliok Police Station sa pakig-alayon sa Philippine Drug Enforcement Agency sa Barangay Bago Aplaya, ning Lunes sa gabii (Nobyembre 1).
Giila ang duha ka dinakpan nga silang Edgar Cabrera, 33, lumolupyo sa Dusnai Village sa nasampit nga barangay ug Rolando Cordova 44, nga taga Catalunan Pequeño ning dakbayan.
Photo DCPO-PIO
Giila ang duha ka dinakpan nga silang Edgar Cabrera, 33, lumolupyo sa Dusnai Village sa nasampit nga barangay ug Rolando Cordova 44, nga taga Catalunan Pequeño ning dakbayan.
Gilusad kapulisa ang buy-bust operasyon duol sa panimalay ni Cabrera bandang alas 11 sa gabii kung asa napalitan ang duha ka suspetsado og usa ka sachet sa shabu sa usa ka pulis nga nagpakaron-ingnong mamalitay.
Dihang gitunol na niini ang maong droga, dali kining giambakan sa mga awtoridad dayon gipangkapkapan.
Sa paghiling sa mga suspetsado, nakuha gikan kanila ang lain pang duha ka sachet sa ginadudahang shabu kauban ang Marijuana nga gibalot sa usa ka papel nga nagkantidad og kapin kon kulang P5, 000.
Himas rehas na ang duha sa maong police station samtang ginahikay na ang kaso batok kanila tungod sa paglapas sa Republic Act 9165 o Comprehensive Dangerous Drugs Act of 2002.
Facebook Conversations