Kini nunot sa pabiling wa masulbad nga problema sa baho nga hatud sa Head Sports Tennis Ball Factory sa nasampit nga Barangay.
Enero 24, 2025 gilusad ang groundbreaking ceremony alang sa P2-billion Philcement Mindanao Corporation nga tukuron sa Barangay San Pedro.
Nasayran nga sugdan ang operasyon sa kompanya sa semento sa umaabot nga tuig 2026 nga giingong mo-produce og two million metric tons nga semento matag tuig.
Ang planong pagtukod ug planta sa semento, gilaumang magpakusog sa supply sa Union Cement nga mao ang flagship brand sa Philcement.
Tungod niini, nabalaka ang mga residente duol sa Anflo Industrial Estate, Philippine Economic Zone Authority (PEZA) sa Panabo City
sa mamahimong epekto nga ihatod sa planta sa semento.
Kini tungod kay nakita na sa mga residente ang sitwasyon sa Davao City partikular sa Tibungco diin nahimutang ang dakong planta sa Holcim Cement.
Gawas nga mahimong sama sa "disyerto" kaabog ang ilang mga lugar, dakong peligro usab sa panglawas ang gikabalak-an nga ihatud sa maong cement plant.
Nauna nang gimulo sa mga residente ang baho nga daw sa hugaw sa tawo gikan sa suma pa sa usa ka pabrika.
Sa gipagawas nga Joint Committee Report sa Davao del Norte Sangguniang Panlalawigan pinaagi sa Committee on Natural Resources and Environment ug Committee on Trade, Commerce and Industry/ Science and Technology, nakita nga wala na-kontrol sa Head Sports Philippines ang pagpagawas sa baho gikan sa tennis ball factory.
Bisan dunay Environmental Compliance Certificate (ECC) ang maong kompanya sa tennis ball, nakita sab nga na-penalized kini sa Environmental Management Bureau (EMB) Region 11 "for partial non-compliance with odor abatement conditions."
Girekomenda sa SP Joint Committee nga mosumite ug report ngadto sa EMB labot sa baho nga ginabuga sa pabrika.
Facebook Conversations