Kantidad P10,000 ang nakuha sa nag-inusarang suspek sa pagtulis sa 7-Eleven sa Lim Street, Barangay Zone 3, Digos City, Davao del Sur alas 2:55 Domingo sa sayong kabuntagon, Nobyembre 9, 2025.
Subay sa imbestigasyon sa Digos Police Station, nag-inusarang nisulod ang suspek nga nagsul-ob ug itom nga jacket ug pugos nga gitapok ang 2 ka mga store attendants sa storage room ug gitiunan ug pusil.
Giila ang mga biktima nga sila alyas Leo ug Alyas Aris, pulos store attendants.
Nasayran nga ang suspek nagsuot ug store uniform nakatangag ug P10,000 nga gikuha gikan sa safety vault nga abri niadtong higayuna.
Human nilampos sa pagpanulis, gilayong nigawas kini sa establisiyemento nga sakay sa color green nga Honda Civic paingon sa Balutakay area.
Naglusad na’g hot pursuit operation ang kapulisan batok sa suspetsado.
Facebook Conversations