Arestado sa Regional Intelligence Division (RID) 11 tungod sa pagpamaligya ug mga armas ang usa ka pulis ug manager sa security agency sa gilusad nga entrapment operation sa Roxas Avenue, Davao City, Lunes sayo sa buntag, Oktobre 13,2025.
Ang operasyon gimando ni Police Regional Office (PRO) 11 Director Police Brigadier General Joseph Arguelles.
Sa report sa Santa Ana Police nga sa Davao City Police Office, ang mga gipangdakop mao sila Police Officer Muhammad nga naka-assign sa RMFB 14-Bangsamoro Autonomous Region ug ang Vanguard Security Agancy Manager nga si alyas Louie.
Nakuha sa operasyon ang duha ka 5.56mm assault rifles nga M4 Colt ug M4 Bushmaster; tulo ka pistols nga .45 colt, .45 Limcat, PNP-issued 9mm Pietro Beretta pistol sa pulis ug mga bala lakip magazines.
KASONG pagsupak sa Comprehensive Firearms and Ammunition Regulation Act o RA 10591 ang atubangon sa duha ka dinakpan.
Video: Courtesy of RID 11 /DCPO
Facebook Conversations