Gibutyag ni Sala nga sayon ra kaayo gisalikway sa probinsya ang resolusyon sa Sanguniang Bayan nga himoon syudad o city ang Sta. Cruz nga wala man lang gani niagi sa committee hearing.
Dugang sa opisyal, gediretso ra'g "disapproved" sa probinsya ang resolution ug wala man lang kini gihataga'g higayon aron makatubag ug madepensahan ang ilang proposal.
Hinoon, positibo gihapon si Sala nga bisan ug gibabagan sa
Provincial Government nga mahimong "Cityhood" ang Sta. Cruz, wala gihapon kini mawad-i ug paglaum nga iporsige ang plano.
Nibarug si Sala nga kwalipikado nga mahimong city ang Sta. Cruz ilabina sa kalambuan nga nasinati sa munisipyo partikular ang taas nga income,
Gituhuang ni Sala, ang rason sa pagdedma sa Provincial Government sa resolusyon nga mahimong syudad ang Sta. Cruz mao ang posibilidad nga makibhangan ang buhis niini.
Gilaraw sab sa Mayor nga kasuhan ang provincial government lakip ang mga board members tungod sa wala pag-agi sa saktong proseso nga gihimo sa Sangguniang Panlalawigan ug sa provincial government.
Giklaro ni Sta. Cruz Municipal Vice Mayor Attorney Charlotte Gallego nga ang ilang pagduol sa provincial government partikular sa Sangguniang Panlalawigan mao ang pagpangayo lamang ug komento sa ilang tinguha nga mahimo nang syudad ang Sta. Cruz sa ilang aplikasyon sa House of Representatives nga maoy usa sa mga 'requirements.'
"What happen was, the matter was certified as urgent by the Provincial governor and the same day they passed a resolution oppossing the house bill kay act of Congress man ni," pahayag ni Gallego.
Bisan ug gisupak kini sa provincial government, maningkamot gihapon ang Sta. Cruz LGU nga sa deliberasyon sa HOR, ma-grant ang ilang 'application for cityhood' gikan sa municipality.
Mayor Nelson Sala
Facebook Conversations