Patay ang usa ka sundalo nga sakop sa 10th Infantry Division, Philippine Army human kini gipusil sa wala mailhing suspetsado, alas 8:20 Sabado sa gabii (Enero 21) sa Purok 4, Barangay Bankerohan Sur, Montevista, Davao de Oro.
Basi sa report sa Police Regional Office (PRO) 11, giila ang biktim nga si Sergeant Rene Herana Asio, 32 anyos, ug lumulopyo sa Purok 7, Barangay San Jose, Montevista.
Nasayran nga magpalit ug tambal ang biktima sa usa ka botika sa lugar apan kalit kini nga gipusil sa wala mailhing suspek sulod sa pipila ka higayon.
Human sa insidente, nikagiw ra ang suspek nga daw way nahitabo sakay sa motorsiklo nga way plate number.
Nakuha gikan sa crime scene ang pito ka fired cartridge cases sa Caliber .45 ug duha ka fired bullet (slug).
Gisapupo pa ang biktima sa Davao de Oro Provincial Hospital-Montevista apan gideklarang dead on arrival ni Rodolfo Junior O. Rimando.
Padayon pang gisuta ang motibo sa krimen lakip na ang pag-ila sa mamumuno.
Facebook Conversations