Sa datos sa National Disaster Risk Reduction and Management Council (NDRRMC) Miyerkules sa buntag, pinakadaghang namatay nagikan sa Bangsamoro Autonomous Region for Muslim Mindanao (BARMM) nga 61.
29 sa Region 6; 12 sa CALABARZON; 5 sa Region 8; 4 sa Region 9; 3 sa Region 12; tag- 2 sa Region 7 ug MIMAROPA; ug tag-1 gikan sa Region 3, CAR, ug Region 5.
Sa maong ihap, 92 ang kumpirmadong namatay tungod sa bagyo samtang 29 ang for validation pa.
Gawas niini, duna usay nabalita nga 103 samdan ug 36 nangawala tungod sa bagyong Paeng.
Samtang sa pikas bahin, muabot na sa kapin P2 billion ang damyos sa bagyong Paeng sa imprastraktura ug agrikultura.
Sa datos sa NDRRMC, kapin P1.2 billion ang kantidad sa sektor sa agrikultura kun diin ang pinaka-napuruhan mao ang Region 5 nga nakaangkon ug kapin P700 million nga kadaut.
Anaa sa P896M sab ang kantidad sa nadamyos nga imprastraktura sa Regions 1, 2, MIMAROPA, Regions 5, 6, 7, 10, 11, 12 ug CAR.
Pinakadakong damyos sa imprastraktura ang naangkon sa Region 5 nga anaa s P375 million ang kantidad, nga gisundan s Region 7 nga dunay P277 million, Region 10 nga muabot sa P110 million ang damyos.
Samtang kapin sa dose ka milyon ang kantidad sa damyos sa mga balay sa Region 9 ug 10.
Nakatala sab ang NDRRMC ug uban pang damaged assets sama sa furniture, educational materials, electronics, fishing boats ug mga sakyanan nga anaa sa s P1M ang kantidad.
Gipangunahan ni President Ferdinand Marcos ang aerial inspection sa Maguindanao, Nobyembre 1. Sakay ang Pangulo sa Bell 412 Combat Utility Helicopter ng Philippine Airforce.Hulagway gikan sa Office of the President
Facebook Conversations