Gina-trace na sa Philippine National Police (PNP) ang netizen nga nagbahad kagahapon (Nobyembre 7) sa social media nga bombahan niini ang usa ka eskwelahan sa Signal Village, Taguig City.
Sumala pa kang PNP Spoksesperson Police Colonel Jean Fajardo, gitahasan na sa PNP Anti Cybercrime Group nga ilhon ug kasuhan ang nagpost sa pagpanghulga.
Sa screenshot sa Taguig City Facebook Live, makita ang mensahe gikan sa nagngalang Sofia Smith nga niingong iyang pabuthan ug bomba ug patyon ang tanang estudyante sa Signal Village National High School.
Gisuspende ang klase sa maong tulunghaan ug nagdeploy ug Special Weapons and Tactics team aron i-secure ang palibot.
Gilibot sab PNP bomb disposal units ang eskwelahan lakip na ang immediate vicinity niini apan walay nakit-ang bomba.
Samtang, gibutyag ni Fajardo nga magpatuman ang PNP ug random checkpoints sa Metro Manila isip pagpangandam sa posibleng sulay nga pagpamomba.
Facebook Conversations