Construction worker nga suspek sa pagpatay sa iyang 30-anyos nga uyab,sikop
Construction worker nga suspek sa pagpatay sa iyang 30-anyos  nga uyab,sikop
Dakpan sa kapulisan sa Santo Tomas, Davao del Norte ang 31-anyos nga construction worker kinsa suspetsado sa pagpatay sa iyang giingong ka-relasyon nga 30-anyos.

Giila sa Santo Tomas Police Station ang suspek nga si Alyas JR, lumulopyo sa Tibulao, Carmen, Davao del Norte.

Subay sa imbestigasyon, nakit-an ang patayng lawas sa biktimang si Rowena Ano-os Ramirez, 30, residente sa Purok 4, Barangay San Miguel, Santo Tomas, Davao del Norte sa kasagbutang bahin sa gikaasoyng dapit alas 7:30 Martes sa buntag (Nobyembre 8).

Nadakpan ang suspek atol sa gilusad  nga manhunt operation pipila ka oras nilabay human napalgang wa nay kinabuhi ang biktima.

Selos matod pa ang ugat-hinungdan sa krimen.

Balhog na sa prisuhan sa Santo Tomas Police Station si Alyas JR samtang gihikay ang kaso batok kaniya.

Ruth Palo
Official Verified Account

What's your reaction?

Facebook Conversations