2 ka magsoon, gilugos-patay sa ilang ama-ama sa Davao del Sur
2 ka magsoon, gilugos-patay sa ilang ama-ama sa Davao del Sur
Wa nay kinabuhi nga naabtan sa mga awtoridad ang duha ka magsoon human gilugos dayon gipatay sa ilang stepfather nga nahitabo sa Purok Mangga Landing, Barangay Darong, Sta. Cruz, Davao del Sur, Biyernes sa kadlawon (Nobyembre 11).

Ang mga biktima nga nag-edad kinse ug onse anyos, pulos mga estudyante igo ra gibilin sa inahan nga usa ka Overseas Filipino Worker (OFW) sa kapuyo niini samtang siya nanarbaho sa gawas sa nasod.

Subay sa gisaysay sa testigo nga si Ronel, 16 anyos, silingan sa mga biktima atubangan sa mga awtoridad, iya pa kunong nadungog nga nagsinggit ug nangayog tabang ang mga biktima ala-una sa sayong kabuntagon Biyernes, apan iya kining gibaliwala.

Alas singko na sa buntag sa dihang iyang giadtuan ang balay sa mga biktima ug dinhi iyang nakita nga wala nay kinabuhi ang magsoon.Gilayong gipahibalo ni Alyas Ronel ang inahan sa mga bata.

Gilayong naglusad ug hot pursuit operation ang Sta. Cruz Police Station uban sa pakig-alayon sa kapulisan sa Rehiyon dose ug nadakpan ang suspek nga nailang si Jessie Bon Palomo, lumulopyo sa Cotabato City.

Nadakpan si Palomo sa Banisil, North Cotabato samtang gabiyahe aron muikyas. 

Atol sa pagrekisa sa mga pulis, nakuha sa iyang possession ang improvised 12-gauge shotgun ug pakete sa gituhuang shabu.

Hulagway gikan sa Sta.Cruz Police Station

What's your reaction?

Facebook Conversations