Mas gipalawman pa sa Davao City Police Office (DCPO) ang imbestigasyon sa paglugos ug pagpatay sa dose anyos nga estudyante kansang patayng lawas nakaplagan sa Purok 5 Sitio Malacombeng, Barangay Sibulan, Toril District, Davao City, Domingo sa buntag (Disyembre 4).
Nakita ang patayng lawas sa biktima nga nanimaho na nga nagbuy-od sa creek duol sa dalan nga dunay bun-og sa liog nga timailhan nga gituok ang biktima.
Sumala pa sa tigpamaba sa DCPO, Major Catherine dela Rey, gipanamas-tamasan ang biktima ayha kini gipatay sa suspek.
Matod pa ni dela Rey, gipalawman sa kapulisan sa Eden Toril ang imbestigasyon aron matumbok ug madakpan ang suspetsado.
Facebook Conversations