Nakita na lamang nga wala nay kinabuhi ang 21-anyos nga si Aron James Pangaldine alas 2 pasado Martes sa kadlawon, Mayo 19 sa New San Isidro, Brgy Buhangin, Davao City.
Subay sa tahu sa Davao City Police Office, nasayran nga ang biktima kinsa lumad nga taga- Manay, Davao Oriental ug nangarkila sa maong dapit nga samtang gamonitor ug ga-rescue ang Buhangin Police uban sa Central 911 Rescue Team, ug Barangay Rescue Team sa mga apektadong residente sa baha sa Barangay Buhangin, ilang napalgan ang biktima nga naglutaw atubangan sa iyang gipuy-an busa ihatod gilayon kini sa Southern Philippines Medical Center (SPMC), Bajada, Davao City.
Alas 3:15 sa kabuntagon, gideklara kining patay sa mga attending physician.
Gituhuang nga ang hinungdan sa kamatayon sa biktima mao ang cardiopulmonary arrest secondary to fatal cardiac dysrhythmia human kini aksidenteng nakoryentihan hangtod nalunod sa tubig baha.
Facebook Conversations