Gidakop sa PNP Criminal Investigation and Detection Group (CIDG) ang usa ka menor de edad nga top 1 most wanted sa Cebu sa operasyon sa Mandaue, Cebu adlawng Lunes(Enero 30).
Malampusong nadakpan sa CIDG pinaagi sa warrant of arrest nga gi-isyu sa bulag nga korte sa Cebu alang sa kasong murder og attempted murder.
Sumala pa kang Brigadier General Romeo Caramat, hepe sa CIDG nga ang suspek miyembro sa Villamor criminal group nga nagsilbing spotter, lookout, ug courier.
Kalakip ang suspek sa 18 “Child in conflict with the Law” (CICL) nga nakapuga sa Cebu City Operation Second Chance Center (CCOSCC) niining Enero 11.
Sumala pa ni Caramat, ang pagkasikop sa menor de edad nga nakabuhat ug krimen, kahigayunan alang kaniya nga magbag-o sa kinabuhi.
Hulagway gikan sa CIDG
Facebook Conversations