Patay ang Barangay Kagawad human sa pagpamusil sa Barangay Gymnasium sa Purok 1, Barangay Bagong Negros, Kiblawan, Davao del Sur, alas 2 Miyerkules sa kadlawon, Agosto 20, 1025.
Nailhan ang biktima nga si Norberto Cambang Aton, 53 anyos, minyo, lumad nga B’laan, ug residente sa Purok 1, Bagong Negros, Kiblawan, Davao del Sur.
Subay sa report sa Kiblawan, ang suspek nailhang si alyas “jong”, 37 anyos, minyo, mag-uuma, lumad nga B’laan, ug residente sa Purok 2 sa samang Barangay.
Sa inisyal nga imbestigasyon, nahitabo ang pagpamusil atol sa pagpahigayon og “Mayor’s Night” kagabii sa Agosto 19, 2025, atol sa konsiyerto ug disco isip kabahin sa umaabot nilang barangay anniversary.
Human sa hitabo, dali nga gidala sa pamilya ang biktima ngadto sa balay tambalanan sa G. Matas District Hospital, apan gideklarar kini nga dead on arrival.
Naglusad nag hot pursuit operation ang kapulisan aron madakpan ang suspek.
Facebook Conversations