Ang suspek nailhang si alyas June, 39 anyos, laborer ug igsuon mismo sa biktima.
Ayha pa ang insidente, nag-inom pa ang biktima ug ang suspek hangtod alas 10 sa gabii, Hulyo 19.
Apan pagka-kadlawon sa Hulyo 20, niuli matud pa si June sa ilang balay, diin gi-harass ang iyang asawa ug namasangil nga dunay relasyon kini sa iyang igsuon nga si Jay.
Nilakaw matod ang iyang asawa bitbit ang tulo ka anak ug Nangayog tabang sa mga tawo duol sa plantasyon.
Tungod sa labihang kainit sa ulo sa suspek, giadtuan niini ang balay sa igsoon dala ang pinuti. Pugsanon kining nisud sa balay ni alyas Jay ug didto na nahitabo ang komprontasyon.
Nisuway pa ang biktima nga si Jay nga panalipdan ang iyang pamilya apan giayo siya'g tigbas sa kaugalingong igsuon. Samtang si Girly nga Nisuway ug uwang, gitigbas sab lakip ang ilang Onse ka buwang anak.
On the spot patay si Jay samtang si Girly ug ang baby naa pa sa bay tambalanan.
Gilayong nadakpan sa kapulisan ang suspek ug gisurender ang pinuti nga gigamit sa krimen.
Saysay sa suspek, iyang nabuhat ang krimen tungod sa selos sa pagtuong may relasyon iyang asawa ug ang biktima.
Kasong murder ug frustrated murder giandam na sa kapulisan batok sa suspetsado.
π· DCPO
Facebook Conversations