Opisyal sa NPA, nadakpan sa NAIA

Ruth Palo

Editor

posted on 1 year ago — updated on 1 second ago

1,529
views

Nadakpan sa mga sakop sa Criminal Investigation and Detection Group (CIDG) sa tabang sa Aviation Security Group, Airport Police ug Armed Forces of the Philippines (AFP) ang usa ka opisyal s New Peoples Army (NPA) sa Ninoy Aquino International Airport Terminal 1 adlawng Miyerkules (Nobyembre 29).

Giila ni CIDG Director Police Major General Romeo Caramat ang akusado nga si Jennifer Zamora Abad alias “Josephine Abad/Peping”, 50-anyos.

Gidakop kini pinaagi sa bili sa Arrest warrant sa kasong Murder nga gi-isyu sa Regional Trial Court (RTC) Branch 28 sa Lianga, Surigao Del Sur.

Sumala pa kang Caramat, si Abad matod pa opisyal sa Regional Finance Staff sa NEMRC (Northeastern Mindanao Regional Committee) nga responsable sa pagpangolekta ug “revolutionary tax” sa Surigao Del Sur area.

Kasamtangang anaa sa kustodiya sa CIDG Rizal Provincial Field Unit (PFU) si Abad.

Gisiguro ni Caramat nga padayong gukdon sa CIDG ang mga wanted nga kriminal, partikular ang mga nagsabwag ug terorismo, isip pagbandilyo sa 5-focus Agenda ni PNP Chief Police General Benjamin Acorda Jr.