Atol sa press conference niadtong Biyernes, Marso 28, gipakita sa media sa legal counsels sa pamilyang Afdal nga sila Atty. Xilexferen Barroga ug Atty. Romel Fontanilla ang resolusyon nga gipagula niadtong Enero 10, 2025 diin gi-reject ni Judge Juris Dilinila-Callanta sa Quezon City RTC Branch 85 ang petisyon nga makapyansa ang mga akusado nga sila Ryan Mark Baylon (alleged mastermind), Rosalino Degracia, ug Alemar Awado.
Suma ni Barroga, bug-at ang mga ebidensya nga ilang gisumite sa korte batok ngadto sa tulo hinungdan nga gibasura sa korte ang petisyon.
Kahinumdumang una nang giangkon sa ika-upat nga akusado nga si Jeffrey Mamerto, kanhi sakop sa rebeldeng New People's Army, nga siya ang gunman sa pagpatay kang Afdal.
Si Mamerto sab nikompisal nga si Baylon, kinsa business partner ni Saga, maoy utok sa krimen kinsa mitanyag ug P200,000 kang Degracia ug Awado aron patyon si Saga. Gibanhigan si Saga niadtong OKtubre 26, 2021 sa Agusan del Sur.
Si Mamerto niangkon sab nga P50,000 ang gibayad kaniya ni Degracia ug Awado human niya mapatay si Afdal.
Si Mamerto, napriso na sa Davao Penal Colony (DAPECOL) human nahukman sa lain sab nga kaso.
Ang Saga murder case, padayong gitaral sa QC RTC Branch 85 human kini nabalhin niadtong Abril 2024 gikan sa Prosperidad, Agusan del Sur, subay sa mando sa Korte Suprema human nihangyo ang prosekusyon.
Nagpabiling gipriso sila Baylon ug Degracia sa Quezon City jail, samtang si Awado gipriso sa Bislig City.
Samtang gikalipay sa pamilyang Afdal ang pagbaliwala sa request nga makapyansa ang mga akusado.
“We, the family of the late Col. Samuel G. Afdal, more known to many as SAGA, welcome the recent decision of Quezon City Regional Trial Court Branch 85 to deny three suspects in his killing to obtain temporary liberty,” pahayag sa pamilyang Afdal.
Ang duha sa mga Legal Counsels sa pamilyang Afdal, Lawyers Romel Fontanilla (left) ug Xilexferen Barroga (right)
Facebook Conversations