Subay sa post sa Social Media sa Pinoy Aviators, giila sa grupo sa mga piloto ang mga biktima nga sila si Major Jude Salang-Oy ug 1Lt. April John Dadulla, sakop sa 7th Tactical Fighter Squadron "Bulldogs" sa 5th Fighter Wing nga nagpalupad sa FA-50 fighter aircraft (#002).
Nahagsa ang eroplano samtang nagpahigayon ug midnight air strike operation batok sa New People’s Army (NPA) sa Bukidnon niadtong gabhiuna.
Sigon sa pahayag sa duha ka fighter pilots sa laing FA-50 nga eroplano, kuyog sila sa nahagsa nga eroplano nga naglusad sa susamang misyon, apan nawad-an matod pa sila og kontak sa mga fighter pilots nga sila Salang-Oy ug Dadulla, samtang paingon sa ilang target nga lugar sa operasyon.
Miyerkules sa buntag (March 5) sa dihang napalgan ang FA-50 #002 sa Mt. Kalatungan sa Barangay Mirayon, Talakag, Bukidnon.
Gamit ang Emergency Locator Transmitter, nakit-ang sa Special Forces sa kasundalohan ang duha ka piloto nga sunog ang lawas duol sa nahulog nga abyon.
Nagpaabot sa ilang pahasubo ang Pinoy Aviators sa pamilya ug kabanay sa nangamatay nga piloto.
📷Pinoy Aviators
📸Pinoy Aviators
Facebook Conversations