Giila ang napatayng terorista nga si Aprecia Alvarez Rosette alyas Bam-Bam, secretary sa Western Mindanao Regional Party Committee, nga dunay kapin 30 warrants of arrest tungod sa kasong extortion, murder, arson ug distruction of construction equipment.
Basi sa inisyal nga report, naglusad ug combat operations ang mga tropa sa 102nd Infantry Brigade, sa 1st Infantry Division, Philippine Army sa dihang ilang nakasangka ang upat ka armadong miyembro sa teroristang grupo.
Niluntad ang bakbakan sa napulo ka minuto ayha nikagiw ang mga kalaban ug gibiyaan ang napatayng kauban.
Narekober sa encounter site ang usa ka AK47 CZ 858; duha ka AK47 magazines nga may 28 ka bala; usa ka Caliber 45 nga may upat ka bala; Back Pack; Medical Supplies; ug mga personal nga gamit.
Litrato gikan sa AFP
Facebook Conversations