Sumala pa ni Canete , tungod kini sa mga modernong teknolohiya ug komunikasyon, mapalit na lang sa mga online shops ang mga kahimanan sa broadcast stations sama sa transmitter rason nga sayon ra kaayo sila maka-set up ug istasyon nga di na manguha ug lisensya ug permit sa NTC
“Sa broadcast, naa man gyud pero ang tanang broadcast nga moagi sa internet, wala mi jurisdiction ana. Meaning mga free to air lang na ginatukod bisa'g asa,” matod ni Cañete atol sa nakalabay nga media briefing sa Davao Peace and Security Press Corps sa The Royal Mandaya Hotel.
Samtang dugang giingon ni Cañete nga ila na kini nga giimbestigahan. Hinoon daghang mga outlets nihunong na sa ilang operasyon human giisyuhan og "cease and desist order" ug pinaagi sa rekomendasyon "show cause".
“In fact, naa nay gipatuman na mga cease and desist order para magpalong sila kay kung dili sila magpalong, dili sila mag gamit og frequency,” suma sa opisyal.
Dugang sa opisyal, kung ugaling mupalit ug transmitter sa itukod nga istasyon, kinahanglang ikonsulta una kini sa NTC aron sab magiyahan.
“Kung gusto man kaha ka, maintain imohang studio unya mag live ka sa facebook or youtube. Ayaw gamit og frequency kay kung mogamit kag frequency, diha na mosulod ang amoang jurisdiction,” pagpaklaro ni Canete.
Lauman na ang pagtumaw sa daghang kolurom nga radio stations sa mga probinsya labina karong panahon sa eleksyon.
NTC 11 Director Nelson Canete
Facebook Conversations