Giawhag sa City Health Office (CHO) ang mga ginikanan nga pabakunahan ang ilang mga anak kontra tipdas.
Gikumpirma ni Dr. Liezel Malubay, coordinator sa CHO National Imminuzation Program, nga ang ilang opisina nakatala na'g walo ka mga kaso sa measles gikan sa Enero 2026 hangtod ning bulan sa Abril kung itandi sa sero sa niaging tuig.
Hinoon, ang walo ka mga pasyente nakagawas na sa ospital diin sagad mga bata nag-edad 13 anyos ug walay mga bakuna. Ang usa sa walo nagpangidaron sa 31-anyos.
Suma ni Malubay, mahinungdanong mabakunahan ang mga bata kontra tipdas.
Gi-highlight sa opisyal ang gipakusgang kampanya sa Measles-Rubella Supplemental Activity Immunization (MR-SIA) nga gisugdan sa niaging tuig aron batukan ang pagkuyanap sa tipdas.
Dr. Liezel Malubay, CHO National Immunization Program coordinator sa Davao City.
Facebook Conversations