"Nanawagan ko nga dunay dayag, klaro ug may tulubagon nga pagpadagan niini nga kaso ug sa hinanaling pagpabalik sa mga opisyales nga di makatarunganong gitangtang sa ilang pwesto," matod sa mayor basi sa gipagawas nga pahayag niini Sabado sa gabii (Mayo 25).
Gikundina sa mayor ang desisyon sa pagtangtang sa 35 ka mga personahe sa Davao City Police Office (DCPO) apil na dinhi ang unom ka mga station commanders, ug city director Colonel Richard Bad-ang.
Suma sa alkalde ang DCPO makanunayong nagpakita og pagka-epektibo niini aron mopatigbabaw ang kalinaw ug kahapsay sa dakbayan.
Gani ingon sa mayor, "ang atong record nagpakita og mahinungdanong 69% nga pagkunhod sa krimen kung itandi niadtong Mayo 2023 ug karong Mayo 2024. Kini nga kalampusan nagpakita sa dedikasyon ug katakus sa atong pwersa sa kapulisan."
"Makahiubos nga makasaksi kita sa mga lakang nga makabalda sa trabaho sulod sa ahensiya nga tigpatuman sa balaod," dugang ni Duterte.
Nibarug si Duterte nga nasubay sa balaod ang nahitabong buy-bust operarion.
"Ang pagpakatag nga dunay sayop sa ilang gibuhat walay basehan ug dili makatarunganon," dugang sa alkalde.
Gipahinumdum sa mayor ang nakalatid sa Republic Act 6975, “City and Municipal mayors shall exercise operational supervision and control over the PNP units in their respective jurisdictions.”
" Ang akong aktibong pagsalmot nagpakita sa akong dedikasyon sa pakigtambayayong sa atong kapulisan aron mapreserba ang kalinaw ug kahapsay sa Davao City," dugang niini.
"Kining ulahing mga lakang nga gihimo batok sa gitangtang nga mga personahe sukwahi kini sa diwa sa kooperasyon ug pagsalig sa usag usa nga mahinungdanon alang sa epektibong pagdumala ug pagpatuman sa balaod."
Hinaut sa mayor nga magsilbing pahinumdom kini sa kadelikado sa absoluto nga awtoridad.
Mayor Sebastian Duterte
Facebook Conversations