Gipanghimakak sa Malacañang ang alegasyon nga gi-“laglag” kuno ni Pangulong Ferdinand “Bongbong” Marcos Jr. ang iyang ig-agaw nga si kanhi House Speaker Martin Romualdez human kini maaresto tungod sa kasong plunder.
Matod ni Presidential Communications Office Undersecretary Claire Castro, adunay nakita nga igo nga ebidensya ang Ombudsman aron kasuhan si Romualdez, ug wala kini’y kalabotan sa personal nga relasyon sa Pangulo.
Gipasabot usab ni Castro nga magpabiling neutral si Marcos ug dili manghilabot sa proseso sa balaod.
Gidakop si Romualdez tungod sa kasong plunder nga mokabat sa ₱7.44 bilyon, nga nalambigit sa giingong mga kickback scheme sa mga proyekto sa flood control.
Facebook Conversations