Patay ang pinakataas nga lider sa Bangsamoro Islamic Freedom Fighters (BIFF) Karialan Faction sa operasyon sa militar sa Brgy. Kitango, Datu Saudi Ampatuan, Maguindanao del Sur niadtong Lunes, Abril 22.
Giila ni Philippine Army 1st Brigade Combat Team Commander Brigadier General Jose Vladimir Cagara ang namatayng terrorist leader nga si Mohiden Animbang alias Karialan, ang Chairman sa BIFF-Karialan Faction.
Lakip nga namatay sa pakigsangka sa mga tropa gubyerno ang 11 ka mga sakop niini.
Samtang, narekober sab sa mga awtoridad ang 12 high-powered firearms sama sa lima M16A1, tulo M14, duha M653, usa M4 ug lain pang usa ka kalibre sa baril.
Sa pagkakaron, padayon pang giila ang uban pang terorista nga namatay sa operasyon sa kasundaluhan.
Facebook Conversations