Subay sa Facebook post sa Konsehal, giingon niini "Usa ka gabii nadakpan ko sa CTTMO enforcer diha sa Ponciano kanto San Pedro kay wala diay ko naka-headlight. Unsa man gud ning akong auxiliary lights nga perti mang hayaga abi nako naka headlight nako. Pandamay haha,"
"Pero ang nakanindot kay bisag nakamalay ang enforcer nga konsehal iyang nadakpan, padayon gihapon sa pag-issue sa citation ticket," matod sa Konsehal.I
Sumala ni Ocampo, kung Nakalapas siya sa balod trapiko, tulubagon sab niya nga bayran ang unsa mang penalty.
"Ingon ko, idayon na boss kay naka-violate man kaha ko. Lisod na makasab-an ta ni Mayor Sebastian "Baste" Duterte kay dapat walay mga opisyal sa Dabaw nga abusado labina kung pinili pa gyud sa katawhan," dugang ni Ocampo.
Awhag niini nga dapat motuman ang tanan ma-opisyal man sa gobyerno o ordinaryong sibilyan sanglit ang balod walay gidapig-dapigan.
"Dapat kitang tanan tuman sa balaod bisan kinsa ug bisan unsa imo position labina kung naa ta sa Gobyerno," ingon ni Ocampo.
Facebook Conversations