Gibana-banaang miabot sa 179 ka balay ang gilamoy sa kalayo sa Purok 64 duol sa Brgy. 21-C, Población District, Davao City pasado alas 4 Huwebes sa hapon, Oktobre 2, 2025.
Subay sa report sa Davao City Fire District, niabot sa 4th Alarm ang sunog nga nadeklarang fire out paglabay sa kapin duha ka oras o 7:27 na's gabii.
Giklaro ni Davao City Fire District spokesman Senior Fire Inspector Russell Jake Maranon nga ang maong ihap subay sa initial investigation sa City Social Welfare and Development Office.
Ang dakong sunog girespondihan sa Bureau of Fire Protection Central Alpha, Bangoy Bravo, Bajada Alpha, SIR Alpha, Talomo Alpha, SPMC Alpha, Sasa Alpha ug Lanang Alpha.
Nitabang sab ang Davao Volunteer Fire Brigade, DFRC, Filipino Chinese Firefighters of Davao, Central 911 ug Davao Riven Ambulance.
Walay casualty sa maong insidente samtang kantidad P1.790 million ang estimated damaged sa sunog.
📸Davao City Fire District
Facebook Conversations