Si R-jay, gipusil sa pulis-Tagum human kini naalaan nga suspek sa pagpanunggab sa duha ka babaye sa Talisay Zafra, Tagum City, Davao del Norte.
Si R-jay, igo ra nitabang aron unta i-rescue ang duha ka batan-ong babaye nga gisulod sa ilang gipuy-ang boarding house sa suspetsado nga. Usa ka security guard ug gidunggab.
Gani, natigbasan pa ni R-jay ang suspek ayha niabot ang kapulisan ug napatay ang gwardiya.
Nagtuo ang nirespondeng mga pulis nga apil si R-jay sa krimen sanglit nasugat-an kini nga dunay bitbit nga sundang.
Basi sa pahayag sa mga testigos, ningon pa si R-jay sa pulis nga di siya pusilon sanglit wa siyay labot ug duna kuno siyay anak.
Apan, gipusil kini sa makaduhang higayon nga maoy gikamatyan ni R-jay.
Si R-jay, 20 anyos, dunay anak ug kaipon naningkamot nga makahuman ug eskwela pinaagi sa Alternative Learning System (ALS).
Saysay sa pamilya niini, gusto siya moeskwela aron makapangita'g maayong trabaho.
Naila si R-jay sa mga silingan niini nga buutan ug matinabangon nga bata.
Facebook Conversations